Avropalı siyasətçilərin Ukraynaya hərbi kontingent göndərilməsi barədə açıqlamaları münaqişənin həlli prosesinə mane olur.
Doğru.az xəbər verir ki, bunu Rusiyanın Londondakı səfiri Andrey Kelin RİA Novosti-yə müsahibəsində bildirib. Onun sözlərinə görə, NATO qoşunlarının Ukraynaya göndərilməsi Moskva üçün qəbuledilməzdir.
“Avropa liderlərinin kontingentin göndərilməsi məsələsi ilə məşğul olması Ukraynadakı münaqişəyə son qoymaq üçün siyasi prosesin irəliləməsinə mane olur”, – Kelin vurğulayıb.
Xatırladaq ki, daha əvvəl Rusiya Xarici Kəşfiyyat Xidməti Fransa və Britaniyadan olan karyeralı hərbçilərin ilk qrupunun Odessaya daxil olduğunu açıqlamışdı.
Bundan əlavə, Xerson vilayətinin qubernatoru Volodimir Saldo NATO ölkələrinin Odessaya qoşun yeritməsini Rusiyanı təxribata cəlb etmək cəhdi kimi qiymətləndirib.
DOĞRU.AZ
