Rusiyanın Yaponiyadakı səfirliyində Tokionun şərqindəki Çiba prefekturasında baş verən zəlzələdən zərər çəkmiş ola biləcək Rusiya vətəndaşları barədə məlumat yoxdur.
Bu barədə RİA Novosti-nin müxbirinə Rusiya Federasiyasının Yaponiya paytaxtındakı diplomatik nümayəndəliyindən məlumat verilib.
Səfirlik dəqiqləşdirib ki, hazırda Yaponiyada Rusiya vətəndaşları tərəfindən heç bir müraciət daxil olmayıb.
Bundan əvvəl bildirilib ki, mayın 11-nə keçən gecə Tokionun şərqində baş verən 5,2 bal gücündə zəlzələ nəticəsində azı 3 nəfər xəsarət alıb. Qurbanların hamısı 60-80 yaş arası qadınlardır, onlar yıxılma nəticəsində xəsarət alıblar. Onların hamısı xəstəxanaya yerləşdirilib, vəziyyətləri stabil qiymətləndirilir.
Doğru.az
