image-2000x150px
image-123
image-ads_atlas
image-4bcb8301-3ced-3f89-8225-f8d777c560b6_850backend

Suqovuşan Turizm Kompleksinin tikintisinə 5 hektar ərazi ayrılıb

image-728x90px

“İşğaldan azad edilən Tərtərin Suqovuşan qəsəbəsində turizmin inkişafı üçün hazırlanan konsepsiyaya uyğun olaraq ilkin işlərin aparılmasına start verilib”.

Bunu “Report”un Qarabağ bürosuna açıqlamasında martın 21-də Suqovuşana təşkil edilən mediatur zamanı Dövlət Turizm Agentliyinin Regional turizmin inkişafı sektorunun müdiri Elgün Cavadov bildirib.

“Prezidentin tapşırığına əsasən, biz Suqovuşanda olduq, burada turizmin inkişafı üçün konsepsiya hazırladıq. Həmin konsepsiyaya əsasən, artıq o işlərin başlandığını görürük. Bu ərazidə su anbarının ətrafında müxtəlif turizm zonalarının yaradılması nəzərdə tutulur”, – deyə o bildirib.

E.Cavadovun sözlərinə görə, eyni zamanda burada istirahət yerlərinin inşası planlaşdırılır:

“Artıq Prezident tərəfindən burada təməlqoyma mərasimini olub. Burada xüsusilə Naftalandan gələn turistlər üçün istirahət düşərgələrinin yaradılması və gələcəkdə də su anbarı ətrafında olan ərazilərin abadlaşdırılması nəzərdə tutulur. Həmçinin parklanma və iaşə zonaları inşa olunacaq. Bütün bu inşaat işlərinin aparılması üçün, ilkin olaraq, 5 hektar ərazi ayrılıb”.

DOĞRU.AZ

image-nerjbanner

  • whatsapp
  • messenger
  • telegram
  • vkontakte
  • odnoklassniki