Doğru.az xəbər verir ki, ABŞ Prezidenti Donald Tramp İsrail Baş Naziri Binyamin Netanyahu ilə İranın nüvə obyektlərinə zərbələri və Qəzza zolağındakı vəziyyəti müzakirə edəcəyini bildirib.
Tramp deyib:
“Çox məsələləri danışacağıq. Əldə etdiyimiz böyük uğurdan söhbət açacağıq. İran üçün bu, inanılmaz dəqiq zərbə idi, uzun illər belə dəqiq zərbə olmamışdı”.
O əlavə edib ki, tərəflər həmçinin Qəzzada saxlanılan girovlarla bağlı vəziyyəti də müzakirə edəcəklər.
Qeyd edək ki, Netanyahu Vaşinqtonda Tramp, Pentaqon rəhbəri Pit Heqset, dövlət katibi Marko Rubio və xüsusi nümayəndə Steven Witkoff ilə görüşəcək.
DOĞRU.AZ
