ABŞ prezidenti Donald Tramp OutKick portalına müsahibəsində Rusiya lideri Vladimir Putinlə ünsiyyətini rasional adlandırıb.
Tramp portal müxbirinin Ukrayna münaqişəsinin həlli ilə bağlı sualına “Biz çox rasional müzakirələr apardıq” deyə cavab verib və əlavə edib ki, o, insan itkilərinin dayanmasını təmin etmək istəyir.
Ağ Ev rəhbəri qeyd edib ki, o, Putini yaxşı tanıyır. Tramp həmçinin vurğulayıb ki, Ukrayna münaqişəsini yalnız o dayandırmağa qadirdir.
ABŞ prezidentinin xüsusi elçisi Stiven Vitkoff daha əvvəl demişdi ki, o, Putinə Trampın münasibətləri bərpa etmək istəyi ilə bağlı siqnalını çatdırıb.
DOĞRU.AZ
