ABŞ prezidenti Donald Tramp Ağ Evdə İsrailin baş naziri Binyamin Netanyahu ilə görüşündə Qəzza zolağı ilə bağlı tezliklə sülh sazişinin əldə olunacağına inamını ifadə edib.
Doğru.az xəbər verir ki, jurnalistlərin sualına cavab verən Tramp, atəşkəs razılaşmasının yaxın vaxtlarda əldə olunacağına əmin olduğunu bildirib. “Bəli”, – deyə ABŞ prezidenti vurğulayıb.
Tramp daha əvvəl bəyan etmişdi ki, İsrailin İordan çayının qərb sahilini ilhaqına icazə verməyəcək. O, Qəzza zolağındakı vəziyyəti isə “həll edilməli olan fəlakət” kimi xarakterizə edib.
DOĞRU.AZ
