Türkiyənin Bolu vilayətində Kartalkaya dağ-xizək kurortunda mehmanxanada baş verən yanğın nəticəsində ölənlərin sayı 76-ya çatıb.
Bu barədə Türkiyə Daxili İşlər Nazirliyinin rəhbəri Əli Erlikaya məlumat verib.
“Son məlumatlara görə, ölənlərin sayı 76, 52 nəfərin şəxsiyyəti müəyyən edilib. Onlardan 45-nin meyiti qohumlarına təhvil verilib”, – TASS onun sözlərini sitat gətirir.
Doqquz nəfər saxlanılıb.
Bundan əvvəl 66 ölüm xəbəri verilmişdi .
Rusiya prezidenti Vladimir Putin xizək kurortunda baş verən yanğınla bağlı Türkiyə lideri Rəcəb Tayyib Ərdoğana başsağlığı verib.
DOĞRU.AZ
