Müdafiə naziri general-polkovnik Zakir Həsənov və nazirliyin digər rəhbər heyəti Quru Qoşunlarının Ümumqoşun Təlim Mərkəzində yeni inşa edilən bina və təlim sahəsində görülən işlərlə tanış olub.
Nazirlikdən “Doğru.Az“-a verilən məlumata görə, sonra nazirliyin rəhbər heyəti Kəlbəcər rayonunda yerləşən hərbi hissədə yaradılan şəraitlə tanış olub.
Daha sonra general-polkovnik Z.Həsənov hərbi hissənin təlim mərkəzində hərbi qulluqçuların nümunəvi çıxışlarını izləyib. Şəxsi heyətin döyüş və mənəvi-psixoloji hazırlığını müsbət qiymətləndirən nazir onların qayğıları ilə maraqlanıb.
Sonda müdafiə naziri aidiyyəti üzrə vəzifəli şəxslərə konkret tapşırıqlar verib.
DOĞRU.AZ
