Rusiyanın 14 süd istehsalçısında saxta məhsullar aşkar edilib. Qeyd olunur ki, istehsalçılar tərkibində qadağan olunmuş transqlutaminaza, həmçinin sterollar və bitki mənşəli yağları olan məhsulları təbii kərə yağı və kəsmik kimi satışa çıxarıblar.
Bu barədə “İzvestiya” agentliklərin yoxlamalarının nəticələrinə istinadən yazır.
Rospotrebnadzor yanında ictimai şura Sənaye və Ticarət Nazirliyindən məhsulun dövriyyədən çıxarılmasını xahiş edib.
Rusiya Baş Prokurorluğu da saxta süd məhsulları ilə bağlı araşdırma aparılmasına göstəriş verib.
Daha əvvəl Xantı-Mansiysk Muxtar Dairəsinin Rospotrebnadzoru keyfiyyətli kərə yağının necə olması lazım olduğunu izah etmişdi.
DOĞRU.AZ
