Die Welt qəzeti yazır ki, Vaşinqton Səudiyyə Ərəbistanında danışıqlar zamanı Kiyevin təhlükəsizlik zəmanəti tələbinə məhəl qoymadı.
“Müqavilə Kiyevin təhlükəsizlik zəmanətləri ilə bağlı əsas tələblərini əks etdirmir”, – nəşr yazır.
Nəşr qeyd edir ki, Ukrayna nümayəndə heyəti yalnız Amerika tərəfindən təhlükəsizlik zəmanətlərinin müzakirəsinə “mümkün qədər tez” başlanacağına dair güzəşt ala bilib.
Vaşinqton həmçinin Kiyevə xəbərdarlıq edib ki, belə bir razılaşma həm Ukraynanın faydalı qazıntılarını, həm də ABŞ-ın yardım xərclərinin kompensasiyasını əhatə edəcək.
Fox News daha əvvəl bildirmişdi ki, Vaşinqton və Kiyev nümayəndə heyətləri Ukraynada prezident seçkilərinin keçirilməsini və ya Ciddədə Vladimir Zelenskinin istefasını müzakirə etməyiblər.
DOĞRU.AZ
