Vaşinqton administrasiyası İranın İsrailə hücum edib-etməyəcəyi barədə məlumat verməyəcək, lakin ABŞ ordusu lazım gələrsə, yəhudi dövlətinə dəstək verməyə hazırlaşır.
Bunu ABŞ-ın müdafiə naziri Lloyd Ostin deyib.
“Biz ordumuzu qorumaq üçün əlimizdən gələni edirik və bizdən İsrailə kömək istəsələr, kömək etmək imkanımız olsun”, – deyə TASS onun sözlərindən sitat gətirib.
Ostin daha əvvəl demişdi ki, Birləşmiş Ştatlar “temperaturun aşağı salınması” və təhdidlərə cavab vermək üçün Yaxın Şərqdə yeni qüvvələr yerləşdirməyə hazırdır.
Eyni zamanda, ölkənin dövlət katibi Antoni Blinken qeyd edib ki, ABŞ və müttəfiqləri İsrail və İrana eskalasiyanın yolverilməz olduğu barədə siqnal göndəriblər.
Mənbə TASS
