Möhtəşəm qələbəmizin 3 yaşı tamam olur. Bu il də respublikamızın hər yerində, eləcə də doğma Ağcabədiddə 8 noyabr Zəfər bayramı xüsusi qeyd edilib.
Zəfər gününə həsr olunmuş tədbir günün ikinci yarısında davam edib. Öncə Ulu Öndər Heydər Əliyevin əzəmətli abidəsi ziyarət olunub, önünə çiçəklər qoyulub. Ziyarətçilər torpaqlarımızın azad edilməsi uğurunda canından, qanından keçən vətən oğullarının və şəhidlərin məzarları üzərinə qərənfillər düzərək onların xatirəsini ehtiramla yad ediblər.
Tədbirdə rayon ictimaiyyəti, şəhid ailələri, qazilər, müharibə iştirakçıları iştirak edib.
Konsert proqramında ifa olunan bir-birindən gözəl, rəngarəng ifalar, rəqslər tədbir iştirakçılarında xoş ovqat yaradıb.
Yerli musiqiçilərlərə yanaşı, tədbirin musiqili qonaqları Heydər Əliyevin 100 illik yubiliyinə həsr etdiyi “Əsərindir Azərbaycan” layihəsinin müəllifi, əslən Şuşalı Elnarən Rza, muğam müsabiqəsinin qalib və iştirakçıları Ramiq Bayramov, Gülzar Fərəcova ve Xəyalə Qafarzadə olub.
Yekunda sənətci, Şüşanə ləqəbli Elnarə Rzanın “Azərbaycan” və yerli müğənnilərin qrup şəklində “Qarabağ Azərbaycandır!” adlı mahnısını sədaları altında atəşfəşanlıq tədbirə xüsusi rəng qatdı.
DOĞRU.AZ
