Harvard Tibb Məktəbinin alimləri üç fərqli neyron qrupunun meyvə milçəklərində beynin “daxili kompası” və onun nəzarət bölgələri arasında əlaqəyə vasitəçilik etdiyini aşkar ediblər.
Araşdırmanın nəticələri Nature jurnalında dərc olunub.
İnsan və heyvanlarda istiqamət hissini inkişaf etdirmək üçün daxili və xarici məlumatlardan istifadə edən beyin hüceyrələrindən ibarət “daxili kompas” var. Alimlər bu “kompasın” yaddaş və diqqətdən məsul olan beynin idarəetmə sistemləri ilə funksional olaraq necə əlaqəli olduğunu anlamağa çalışdılar.
Kiçik ölçülərinə baxmayaraq, meyvə milçəklərinin mürəkkəb beyinləri və davranışları var. Elm adamları onları tədqiqat üçün seçdi, çünki nəticələr insanlarda oxşar ola bilər.
Əvvəlki araşdırmalar göstərdi ki, böcəklər yeriyərkən, xüsusi baş mövqeyi hüceyrələri onların sağa və ya sola dönmə kimi hərəkətlərini aktiv şəkildə izləyir. Alimlər milçək beynindəki hər bir sinir əlaqəsinin elektrik dövrəsini tədqiq edərək müəyyən ediblər ki, kursun korreksiyası üç ayrı neyron qrupu tərəfindən həyata keçirilir. Birinci və ikinci qrupdan olan neyronlar sağa və ya sola, üçüncüdən isə tam dönüşə qədər hərəkətə səbəb olur.
Mənbə: gazeta.ru
