Rusiyada məşhurlaşan azərbaycanlı müğənni Coni (Cahid Hüseynli) dünya şöhrətli müğənni Araşla bir araya gəlib.
Axşam.az xəbər verir ki, onlar 2000-ci illərdə dünyada hit olan “Boro-Boro” mahnısının remeykini hazırlayıblar. Araşla videosunu sosial şəbəkədə paylaşan Coni bunları yazıb:
“Cümə günü biz 2000-ci illərdə dünyada milyonlarla insanın qəlbini fəth etmiş əfsanəvi “Boro-Boro” mahnısının remeykini təqdim edəcəyik. Coni və Araş – “Уходи Уходи”.
Qeyd edək ki, Araş 2009-cu ildə Aysel Teymurzadə ilə Azərbaycanı “Eurovision”da təmsil edib. O, müsahibələrində ulu babasının azərbaycanlı olduğunu bildirmişdi.
DOĞRU.AZ
