image-2000x150px
image-123
image-ads_atlas
image-minatemizlemebackend

Avropa İttifaqı Azərbaycanda minatəmizləmə fəaliyyətinə dəstəyi artır

image-728x90px

Avropa İttifaqı Azərbaycanda minatəmizləmə fəaliyyətinə dəstəyi artırır, Mükəmməllik Mərkəzi yaratmağa kömək edir

Doğru.az xəbər verir ki, 25 iyun tarixində Bakıda Avropa İttifaqına (Aİ) Üzv Dövlətlərinin minatəmizləmə üzrə ekspertlərinin və Azərbaycan Respublikasının Minatəmizləmə Agentliyinin (ANAMA) mütəxəssislərinin bir araya gətirən ilk tədbiri keçirilib. 

Bu təşəbbüs Avropa İttifaqının ölkədə humanitar minatəmizləmə istiqamətində aparılan işlərə dəstək vermək məqsədi daşıyan daha geniş əhatəli fəaliyyətinin tərkib hissəsidir. Aİ və onun Üzv Dövlətləri bu günədək Azərbaycanda minatəmizləmə işlərinə dəstək verən ən böyük beynəlxalq donordur. May ayının əvvəlində “Team Europe” təşəbbüsünə start verilməsi bunun bariz nümunəsidir. Avropa Komissiyasının Prezidenti Ursula Fon der Lyayen aprelin 4-də Prezident Əliyevlə telefon danışığından sonra Aİ hazırda Azərbaycana partlayıcı sursatların yaratdığı böyük problemin öhdəsindən gəlməyə kömək etmək üçün əhəmiyyətli həcmdə əlavə maliyyə dəstəyi göstərməyi planlaşdırır. Proqramın davam edəcəyi 2024-2025-ci illər ərzində əlavə 10 milyon avro ayrılması nəzərdə tutulur. 

Bu baxımdan, tədbir regionda bilik mübadiləsini təmin etmək məqsədilə Mükəmməllik Mərkəzinin yaradılması və fəaliyyətə başlamasına kömək etmək üçün nəzərdə tutulan silsilə tədbirlərdən birincisidir. Azərbaycan Respublikasının Minatəmizləmə Agentliyi (ANAMA) tərəfindən idarə olunan Mərkəzdə xüsusi təlim vasitələrinin elmi tədqiqat və işlənmə imkanlarının olacağı, həmçinin əsas diqqət minatəmizləmə sektorunda ən son texnika və texnologiyalara yönəldilməklə yerli və beynəlxalq kadrlar üçün təlim proqramlarının təklif ediləcəyi gözlənilir.  Bu yaxınlarda Bakıda Minatəmizləmə üzrə Üçüncü Beynəlxalq Konfransa ev sahibliyi etmiş Azərbaycan, BMT və beynəlxalq tərəfdaşlarla əməkdaşlıq şəraitində Mükəmməllik Mərkəzi yaratmaq əzmindədir. 

Bu məqsədlə Avropa İttifaqının Texniki Yardım və İnformasiya Mübadiləsi (TAIEX) Aləti çərçivəsində ANAMA ilə birgə təşkil olunan ilk seminar Aİ Üzv Dövlətləri və tərəfdaşlarının ekspertləri ilə qabaqcıl təcrübə, öyrənilmiş dərslər və innovativ həllərin mübadiləsini təmin edən bir platformadır. Sloveniya və Bosniya və Herseqovinadan dəvət olunmuş ekspertlər strateji planlaşdırma, minatəmizləmə fəaliyyətində gender bərabərliyi, zərərçəkmişlərə yardım, keyfiyyət və risklərin idarə edilməsi, ekoloji aspektlər və yeni texnologiyalar sahələrində öz biliklərini və çoxillik təcrübələrini bölüşəcəklər. 

[Ümumi məlumat:  Aİ özünün TAIEX mexanizmi vasitəsilə tərəfdaş ölkələrin dövlət idarələrinə Aİ qanunvericiliyinin uyğunlaşdırılması, tətbiqi və icrası və Aİ-nin qabaqcıl təcrübəsinin mübadiləsinin asanlaşdırılması istiqamətində dəstək verir.]

DOĞRU.AZ

image-nerjbanner

  • whatsapp
  • messenger
  • telegram
  • vkontakte
  • odnoklassniki