BMT-nin bir neçə gün əvvəl “nəzarətdən çıxmış stansiya” bəyanatı ilə diqqət çəkdiyi Ukraynada Avropanın ən böyük atom elektrik stansiyasında qorxulu hadisə yaşanıb.
Birləşmiş Millətlər Təşkilatına bağlı Beynəlxalq Atom Enerjisi Agentliyinin (MAQATE) rəhbəri Rafael Grossi stansiyada hər an nüvə qəzasının baş verə biləcəyi barədə xəbərdarlıq edərək, AES-in tamamilə nəzarətdən çıxdığını bildirib.
Qrossi Rusiya və Ukraynanı dərhal ekspertlərə nüvə obyektini yoxlamağa icazə verməyə çağırıb, əks təqdirdə dünya miqyasında bir nüvə qəzasının baş verə biləcəyini istisna etməyib.