Bakıda Nizami Kino Mərkəzində Qəmər Adaları İttifaqının Mayot adasına həsr edilmiş “Mayot. Ölüm adası” adlı qısametrajlı film nümayiş etdiriləcək.
Doğru.az məlumat verir ki, 2-3 sentyabrda Fransanın neo-kolonial siyasətindən əziyyət çəkən müstəqil Qəmər Adaları İttifaqı dövləti, habelə Fransa tərəfindən işğal edilmiş Qəmər Adalarının tərkib hissəsi olan Mayot adasının ictimai-siyasi xadimləri, diplomatlar, elmi dairələrinin nümayəndələri qeyri-hökumət təşkilatlarının rəhbərləri, siyasi partiyalarının üzvləri Bakıda bir araya gələcək.
Səfər çərçivəsində qonaqlar bir sıra ikitərəfli görüşlər keçirəcək.
Qeyd edək ki, “Mayot. Ölüm adası” qısa-metrajlı filmdə Qəmər Arxipelaqının çağdaş dövrdə üzləşdiyi çağırışlar və işğalın nəticələrindən bəhs edilir. Fransanın işğal etdiyi Mayot adasında yoxsulluq səviyyəsində yaşayan yerli sakinlərlə Fransadan buraya köçürülmüş zəngin fransızlar arasında həyat seəviyyəsinin fərqi filimdə aydın şəkildə göstərilib.
DÖĞRU.AZ
