Ötən gün paytaxtın Sabunçu rayonu Bakıxanov qəsəbəsində qəbiristanlıqda şəhid Səyavuş Kəlbalıyev və Fəxri Məmmədovun məzarları üzərindəki şəxsi əşyaların oğurlanması barədə polisə müraciət daxil olub.
Doğru.az xəbər verir ki, DİN-in mətbuat xidmətindən bildirilib ki, hadisəni törətməkdə şübhəli bilinən 17 yaşlı Kənan Əsədli və 16 yaşlı Vüqar Quliyev saxlanılıblar.
Polis tərəfindən aşkar edilən oğurlanmış gitara, hərbi çəkmə və hərbi dəbilqə şəhid ailələrinə qaytarılıb. Hadisə ilə bağlı Sabunçu Rayon Polis İdarəsinin 13-cü Polis Şöbəsində araşdırma aparılır.
DOĞRU.AZ
