Biləsuvar Rayon Prokurorluğu və Rayon Polis Şöbəsinin birgə əməliyyatı nəticəsində İsmətli kənd sakini, 1955-ci il təvəllüdlü Almaz Cəfərovanın qəsdən öldürülməsi müəyyən edilib.
Doğru.az xəbər verir ki, istintaq və əməliyyat-axtarış tədbirləri ilə 2000-ci il təvəllüdlü Qasım Həsənov və bacısı 1995-ci il təvəllüdlü Gülbəniz Həsənzadənin qabaqcadan əlbir olaraq bu il noyabrın 3-də Almaz Cəfərovanı yaşadığı evdə yastıqla boğaraq qəsdən öldürdükləri müəyyən olunub.
Faktla bağlı Biləsuvar Rayon Prokurorluğunda Cinayət Məcəlləsinin 120.2.1-ci maddəsi ilə cinayət işi başlanıb. Qasım Həsənov və Gülbəniz Həsənzadə saxlanılıb, istintaq tədbirləri davam etdirilir.
DOĞRU.AZ
