Sentyabrın 22-də Ermənistanın paytaxtı İrəvanda və Erebuni bölgəsində qazın verilişi dayandırılacaq.
Bununla bağlı “Qazprom Armenia” məlumat yayıb.
Bildirilib ki, İrəvana mavi yanacağın verilməsi 22 sentyabr saat 10:00-dan etibarən tamamilə məhdudlaşdırılacaq. Açıqlamada bildirilir ki, buna səbəb “qışa hazırlıq məqsədilə xətlərin yenilənməsidir”.
Digər xətlərdə də fasilələrin olacağı vurğulanıb.
Sosial şəbəkələrin Ermənistan seqmentinin istifadəçiləri isə bildiriblər ki, bu “Moskvanın İrəvana əzələ nümayişi”ndən başqa bir şey deyil.