Yaponiyanın Yamaquçi prefekturası yaxınlığında Cənubi Koreyaya məxsus kimyəvi tanker çevrilib. Bu barədə məlumatı Kyodo agentliyi Yaponiya Sahil Mühafizəsinə istinadən yayıb.
Jurnalistlərin bildirdiyinə görə, əvvəlcə Şimonoseki sahillərində lövbər salmış gəmidən onun əyildiyi barədə xəbər gəlib. Bir müddət sonra gəmi batıb.
Hazırda xilasedicilər onun 11 ekipaj üzvünü axtarırlar. Dənizçilərin xarici vətəndaşlığı olduğu qeyd edilir.
Mənbə: Haber Global
