Dağıstanda içməli sudan zəhərlənmə halları artmaqda davam edir. Respublika Səhiyyə Nazirliyindən verilən məlumata görə, zəhərlənənlərin ümumi sayı 450 nəfərə çatıb.
Doğru.az xəbər verir ki, zəhərlənənlərdən 422 nəfəri uşaqlardır. Nazirliyin mətbuat xidmətindən bildirilib ki, bu şəxslərdə bağırsaq infeksiyası aşkar edilib.
Sevindirici haldır ki, ağır vəziyyətdə olan xəstə qeydə alınmayıb. Maqaramkənd Mərkəzi Rayon Xəstəxanasından 109 nəfər artıq evə buraxılıb.
Hazırda vəziyyət nəzarət altındadır və aidiyyəti qurumlar tərəfindən araşdırmalar davam etdirilir.
DOĞRU.AZ
