DXR Ali Məhkəməsi Gürcüstan vətəndaşı Mixal Demetraşvilini muzdluluq ittihamı ilə qiyabi olaraq 14 il müddətinə azadlıqdan məhrum edib. Bu barədə Rusiya İstintaq Komitəsi məlumat yayıb.
Məhkəmənin müəyyən etdiyi kimi, 2022-ci ildə Demetraşvili Ukrayna ərazisinə gəlib və könüllü olaraq muzdlu əsgər kimi Ukrayna Silahlı Qüvvələrinə qoşulub və orada təlim keçib.
Muzdlu şəxsi odlu silah, döyüş sursatı, uniforma və xüsusi texnika ilə təmin edilib.
Demetraşvili Donetsk və Luqansk Xalq Respublikalarının təhlükəsizlik qüvvələrinin nümayəndələrinə, habelə Rusiya hərbçilərinə qarşı hərbi əməliyyatlarda iştirak edib.
“Məhkəmə qərarı ilə Demetraşvili qiyabi olaraq 14 il müddətinə azadlıqdan məhrum edilib”, – məlumatda deyilir.
DOĞRU.AZ
