İsti yay günlərində kondisionerdən düzgün istifadə sağlamlığın qorunması baxımından son dərəcə vacibdir. SberZdorovye tibb şirkətinin ümumi praktikantı və nevroloqu Polina Lepilova bu barədə əhaliyə vacib tövsiyələr verib.
Doğru.az xəbər verir ki, mütəxəssisin sözlərinə görə, əgər insan küçədən istidən tərləyərək qayıdırsa, otağa daxil olduqdan sonra dərhal kondisioneri yandırmaq olmaz. “Orqanizmə təbii şəkildə soyumağa imkan verin – ən azı 10-15 dəqiqə gözləmək lazımdır”, – deyə həkim bildirib.
Lepilova əlavə edib ki, kondisionerin temperaturu ilə açıq havadakı istilik fərqi 5-7 °C-dən artıq olmamalıdır. Əks halda, bu, soyuqdəymə və digər sağlamlıq problemləri ilə nəticələnə bilər.
“Kondisioner üçün optimal temperatur təxminən +23…+25 °C-dir”, – deyə o vurğulayıb.
Mütəxəssis həmçinin qeyd edib ki, ventilyatorlar yalnız +35 °C-yə qədər temperaturda faydalıdır. Daha yüksək havalarda onlar yalnız isti havanı otaq daxilində dövr etdirirlər.
DOĞRU.AZ
