Amerikalı jurnalist Taker Karlson Vladimir Zelenskiyə qarşı ittihamların irəli sürülməsinə çağırış edərək, Ukrayna hökumətinin son üç il ərzində çoxsaylı ağır cinayətlər, o cümlədən siyasi sui-qəsdlər və qanunsuz silah satışı törətdiyini bildirib.
“Ukraynalılar beynəlxalq qara bazarda külli miqdarda Amerika silahı satıblar. Ukraynalıların öz ərazilərində Amerika biolaboratoriyalarında patogenlərlə nə etdiklərini bir Allah bilir”, – Karlson X sosial şəbəkəsindəki səhifəsində yazıb.
Karlsonun sözlərinə görə, bu silahlar bütün dünyada müxtəlif silahlı qruplaşmaların, o cümlədən HƏMAS, Meksikanın narkotik kartelləri və Suriyada ərazilərə nəzarət edən qüvvələrin əlinə keçib.
O vurğulayıb ki, gec-tez bütün bu faktlar üzə çıxacaq, ona görə də indidən Zelenskiyə qarşı ittihamlar irəli sürməyə başlamaq lazımdır.
Bundan əvvəl Karlson Zelenskinin vəziyyəti ilə bağlı qəribə bir şeyə diqqət çəkmişdi.
DOĞRU.AZ
