“Crocus City Hall”da baş verən dəhşətli terror aktı ilə bağlı cinayət işi baxılması üçün İkinci Qərb Rayon Hərbi Məhkəməsinə təqdim edilib.
Doğru.az xəbər verir ki, bu barədə məlumatı məhkəmənin mətbuat xidməti RİA Novosti-yə təsdiqləyib. Bildirilib ki, cinayət işi bu gün məhkəməyə daxil olub və qeydə alınıb.
Daha əvvəl vəkil İqor Trunov RT-yə açıqlamasında qeyd edib ki, iş üzrə istintaq materialları 427 cilddən ibarətdir.
Rusiya İstintaq Komitəsinin yaydığı məlumata görə, “Krokus”da törədilən terror aktı Ukraynanın hazırkı rəhbərliyinin maraqları naminə planlaşdırılıb və həyata keçirilib. Hadisənin əsas məqsədi Rusiya Federasiyasında siyasi vəziyyəti pozmaq olub.
Xatırladaq ki, mart ayında baş verən terror aktı nəticəsində çoxsaylı insan həyatını itirmiş, onlarla şəxs yaralanmışdı. Təhlükəsizlik qüvvələri tərəfindən həyata keçirilən istintaq tədbirləri nəticəsində bir sıra şübhəli şəxslər saxlanılmışdı. Hazırda işin məhkəmə baxışına hazırlıq mərhələsi başlayıb.
DOĞRU.AZ
