Moskvada ABŞ vətəndaşı hökumət nümayəndələrinə qarşı zorakılıq etməkdə şübhəli bilinərək saxlanılıb.
Bu barədə paytaxtın İstintaq Komitəsi məlumat yayıb.
İstintaqın məlumatına görə, avqustun 12-nə keçən gecə amerikalı xuliqanlıq etdiyi üçün paytaxtın polis idarəsinə aparılıb. ABŞ vətəndaşı sənədləri təqdim etməkdən imtina edib və “hüquq-mühafizə orqanının əməkdaşına qarşı zorakılıq tətbiq edib”.
Amerikalıya qarşı “Hakimiyyət nümayəndəsinə qarşı zorakılıq tətbiqi” maddəsi ilə cinayət işi açılıb.
RİA Novosti-nin mənbəyə istinadən verdiyi məlumata görə , ABŞ vətəndaşı Cozep Taqer Radisson otelində sənədləri təqdim etməkdən imtina edib və münaqişə başlayıb. Bundan sonra amerikalı polis bölməsinə aparılıb və o, hüquq-mühafizə orqanının əməkdaşını vurub.
Bundan əvvəl məlum olmuşdu ki, Tailand polisi Rusiya vətəndaşını saxlayıb, onun da Kanada pasportu var.
Mənbə RİA Novosti
