Rusiya prezidenti Vladimir Putin 98 yaşında dünyasını dəyişən İtaliyanın keçmiş lideri Giorgio Napolitanonun vəfatı ilə bağlı başsağlığı verib.
Bu barədə Kremlin saytında məlumat verilib.
Putin İtaliyanın hazırkı prezidenti Sercio Mattarellaya teleqram göndərib. Orada o, mərhum Napolitanonu görkəmli dövlət xadimi və İtaliyanın əsl vətənpərvəri kimi təsvir edib. Putin Napolitanonun gəncliyində Müqavimət sıralarında faşizmə qarşı vuruşduğunu da xatırladıb.
“Mənə bir neçə dəfə bu gözəl insanla ünsiyyət qurmaq nəsib olub və onun əziz xatirəsini əbədi olaraq qoruyacağam. Sizdən mərhumun ailəsinə və yaxınlarına səmimi başsağlığı və dəstək sözlərini çatdırmağınızı xahiş edirəm”, – Putin yazıb.
Mənbə: Lenta.ru
