“Qarabağ” Konfrans Liqasının pley-off mərhələsinin cavab oyununda səfərdə Belçikanın “Gent” klubuna uduzaraq (0:1, penaltilər – 3:5), mübarizəni dayandırıb.
Azərbaycan təmsilçisi əksər statistik göstəricilərdə də rəqibindən geri qalıb.
Topa yiyələnmədə belçikalılar 53:47 üstün olub. Rəqibin 55 hücumuna “Qarabağ” 50-si ilə cavab verib. Qapıya zərbələrdə də meydan sahibləri təmsilçimizi üstələyib – 11:8.
“Qarabağ” futbolçularının 420 ötürməsindən 303-ü dəqiq olubsa (72 faiz), “Gent”in üzvləri 554 cəhdin 407-də topu ünvana çatdırmağı bacarıb (73 faiz).
Hər iki tərəf 7 künc zərbəsi yerinə yetirib. Sarı vərəqələrin də sayı bərabər olub – 3:3.
DOĞRU.AZ