image-2000x150px
image-kwfrazxrns9ou1vgy3hh0rogbkc3jmjuiyx0vjwgbackend

Qobustan Heyvandarlıq Kompleksində ölkəyə ilk dəfə gətirilən xarici cins “Murciana” keçilərinin satışına başlanılıb – FOTO

image-728x90px

Doğru.Az xəbər verir ki,  “Aqroservis” Açıq Səhmdar Cəmiyyətinin tabeliyində olan Qobustan Heyvandarlıq Nümayiş Kompleksinə bu günlərdə yeni avropa mənşəli cins damazlıq heyvanlar gətirilib.

“Murciana” keçiləri kompleksin xırdabuynuzlu heyvanlarının saxlama fermasında standartlara uyğun şəraitdə saxlanılır, qidalandırılır və baytar nəzarəti edilir. Karantin müddəti bitdiyinə görə artıq keçilərin satışına başlanılıb.
Bu heyvanların kompleksə gətirilib satılmasında əsas məqsəd xarici cins damazlıq heyvanların satışının təşkil edilməsi ilə bərabər fermerlərin cins heyvanlara əlçatanlığına, ölkədə heyvanların cins tərkibinin yaxşılaşdırılmasına nail olmaqdır.

Qeyd edək ki, vətəni İspanya olan “Murciana” keçiləri isti və quraqlıq iqlim şərtlərinə asanlıqla uyğunlaşa bilir. “Murciana” keçilərindən yüksək məhsuldarlıq əldə etmək mümkündür. Belə ki, diri çəkidə erkəklərdə ət məhsuldarlığı 50-60 kq, dişilərdə 30-50 kq, süd məhsuldarlığı 500 kq, laktasya müddəti 280 gün, yağlılıq faizi 5.3 %, protein faizi 3,4 % təşkil edir, südü əsasən pendir üçün daha uyğundur.

Qobustan Heyvandarlıq Nümayiş Kompleksində heyvanların 60% dövlət güzəşti ilə satışı təşkil edilir. Burada fermerlər heyvanlara baxış keçirərək, sərgi satış mərkəzində və auksionda hərraca qoşularaq da istədikləri heyvanları əldə edə bilərlər. Sərgi salonuna gələn ziyarətçilər ölkədə və Avropada satışda olan heyvanlar haqqında videoçarx və satış nümayəndələri vasitəsilə onların məhsuldarlığı, şəcərəsi, cins tərkibi, saxlanılma şəraiti barədə ətraflı məlumat əldə edə bilərlər.

Həmçinin kompleksin daxilində heyvan satışını həyata keçirən lizinq şirkətləri, heyvanların sığortalanması üçün sığorta şirkətləri fəaliyyət göstərir ki, bu da bu müasir kompleksdə heyvan alqı-satqısı zamanı bütün prosesləri fermerlər üçün daha asan edir. Belə ki, bütün alqı-satqı, sığorta, lizinq, güzəşt tətbiqi prosesləri vahid mərkəzdə həyata keçirilməklə, xidmətlərdə operativlik və şəffaflıq təmin edilir.

Başqa sözlə, fermerlər bu qurumlara ayrı-ayrılıqda müraciət etmədən seçdikləri heyvana görə sənədləşdirmə işlərini bir gün müddətində həyata keçirərək ala bilir. Kompleks həftə içi 5 gün, saat 09:00-dan 18:00-dək fəaliyyət göstərir. Kompleksdə heyvanlar və satış haqqında məlumatın verilməsi üçün 1659 satış mərkəzi də fəaliyyət göstərir.

DOĞRU.AZ

image-amagjsoqgii3dxrwjlbsntkw8fofq1zfdzljljfn image-jfjujxsae3jybbeankgrgtmba8x4qom0oiutycfu image-nwehz1thv9viqdrj1srxbxweyrp7avjzgw4jvzrm image-hefsv7tsfxz4u82bungfuvcrjkeqxhnn3esjui49 image-ubmwqqiotou6bdai4cdpkc9qh6m4fawyu4auqbrn image-g0a1yvv8ofxosgejytingxabuv1qahqoxojobel8 image-tgsjwvr9sqwgb6nzguj3tr0dmoubes2peaapuigi image-rgvqslhniwprtyyctuxddicryrebxgj13wxyeh6n image-hgvmkx1srrrmciifadw4mwllghji9cwuhc8byzfi image-gcjphcdsu2exu01qnjqdjaaptksoydo6tnlm9aiy image-gjs5esgysckurt1qxpogm7lehxflsg2ydhiwn3nn

image-728x90px

  • whatsapp
  • messenger
  • telegram
  • vkontakte
  • odnoklassniki