Ramazan ayı şəhərin ritmini dəyişir.
Doğru.az xəbər verir ki, süfrələr diqqətlə qurulur, gündəlik həyat iftara uyğun tənzimlənir və “Ramazan ab-havası” hər yerdə hiss olunur.
Ekspertlər bildirir ki, Ramazan yalnız fiziki ac qalmaq deyil, insanın daxili dünyasına baxması, səbir və nəfs üzərində çalışması üçün bir fürsətdir. Əgər sözlərimiz hələ də qırıcıdır, münasibətlərimizdə sərtlik qalırsa, oruc sadəcə fiziki məhrumiyyətlə məhdudlaşır.
Bu ay xeyriyyəçilik artır, paylaşım mədəniyyəti genişlənir. Lakin Ramazanın ruhu niyyətdə yaşayır. İnsan yalnız başqasının yox, öz daxilinin də acısını hiss etməli, özünü dəyərləndirməlidir.
Ramazan insana xatırladır ki, insanı böyüdən toxluq deyil, nəfsinə qalib gəlməkdir. Bu ay sadəcə ac qalmaq deyil, dayanmaq, düşünmək və dəyişməkdir.
İlahə Əliyeva
DOĞRU.AZ
