Tanınmış baletmeyster, xalq artisti Rəfiqə Axundova vəfat edib.
Doğru.az xəbər verir ki, bu barədə Mədəniyyət Nazirliyi məlumat yayıb.
Xalq artisti 1951-ci ildə Bakı Xoreoqrafiya Məktəbini bitirib. Böyük Teatrda təkmilləşmə kursu keçdikdən sonra Azərbaycan Opera və Balet Teatrının solisti olub. 1971-ci ildən həmin teatrın baletmeysteri, 1990-cı ildən baş baletmeysteri idi.
Rəfiqə xanım bir çox balet əsərlərinə quruluş verərək tamaşaya hazırlayıb. Həmçinin, Əlcəzair, İsveç, Misir və Belçikada pedaqoq-baletmeyster işləyib.
Allah rəhmət eləsin.
DOĞRU.AZ