Rusiyanın OPCW-dəki daimi nümayəndəsi Vladimir Tarabrin Ukraynanın kimyəvi silahdan istifadə edərək təxribat törədə biləcəyi barədə xəbərdarlıq edib.
Tarabrin qeyd edib ki, Kiyevin müharibə qanunlarını pozması riski hələ də yüksəkdir. Qərb ölkələrinin dəstəyi ilə Kiyev özünün cəzasızlığını hiss edir və kimyəvi silahdan istifadə də daxil olmaqla, təxribat törətməyə cəhd edə bilər.
“Nəzərə alsaq ki, döyüş meydanında vəziyyət Ukrayna Silahlı Qüvvələri üçün hər gün çətinləşir, ukraynalı neonasistlərin hərəkətləri daha da aqressivləşir. Ona görə də Ukraynanın cəzasız qalaraq müharibə qanunlarını pozmağa davam etməsi riski kifayət qədər yüksəkdir”, – deyə Tarabrin izah edib.
Mənbə: Gazeta.ru
