Rusiya Təhlükəsizlik Şurasının katibi Sergey Şoyqu İran Ali Milli Təhlükəsizlik Şurasının katibi Əli Laricani ilə telefon danışığı zamanı xarici qüvvələrin respublikanın daxili işlərinə müdaxilə cəhdlərini pisləyib.
Doğru.az xəbər verir ki, Rusiya Təhlükəsizlik Şurasının mətbuat xidməti bildirib ki, “Rusiya Federasiyası Təhlükəsizlik Şurasının katibi xarici qüvvələrin İranın daxili işlərinə müdaxilə etmək cəhdini qətiyyətlə pisləyib”.
Söhbət yanvarın 12-də baş tutub.
Şoyqu həmçinin ölkədəki iğtişaşların çoxsaylı qurbanları ilə bağlı başsağlığı verib.
İranın xarici işlər naziri Abbas Əraqçi daha əvvəl ABŞ və İsrailin iğtişaşlarda iştirakına dair dəlillərin olduğunu bildirmişdi.
DOĞRU.AZ
