Rusiya Ukraynanın Zaporojye Atom Elektrik Stansiyasına çox yaxın olan Nikopol şəhərini bombalayıb.
Bununla bağlı Nikopol vilayətinin qubernatoru Valentin Rezniçenko Telegram hesabında açıqlama verib.
O, şəhərin iki fərqli yerində 5 partlayışın baş verdiyini bildirib. Ölən və yaralananların olmadığı şəhərdə bir məktəbə ciddi ziyan dəydiyi, bir evin dağıldığı, 20-dən çox evə isə qismən ziyan dəydiyi açıqlanıb. Digər tərəfdən, hücumlar nəticəsində elektrik transformatorlarının da zədələndiyi və bu səbəbdən 2 min 200 evin elektrik enerjisinin kəsildiyi bildirilib.