Serbiyada etirazçılar sosial media vasitəsilə öz ərazilərində yolları, küçələri və kəsişmələri tam mühasirəyə almağa başladıqlarını elan ediblər.
TASS-ın qeyd etdiyi kimi, onlar bu cür tədbirləri “tələblər yerinə yetirilənə qədər” davam etdirməyi planlaşdırırlar.
İştirakçılar barrikadalar qurur və nəqliyyatın hərəkətinə mane olur. RT Telegram kanalı qeyd edir ki, Belqraddan əlavə etirazlar Niş, Novi Sad, Kragujevac, Valyevo, Çaçak və Smederevoda da keçirilib.
Bundan əvvəl Serbiyanın dövlət qurumlarına hücumun hazırlanması ilə bağlı 6 nəfər həbs edilib.
Serbiya prezidenti Aleksandr Vuçiç də Belqradda baş verən iğtişaşlardan sonra saxlanılanların əfv olunmasını istisna edərək deyib ki, etirazlar dövlətdən güclü ola bilməz.
DOĞRU.AZ
