Soçidə Rusiya Federal Təhlükəsizlik Xidməti (FSB) tərəfindən iki Rusiya vətəndaşı saxlanılıb.
Doğru.az xəbər verir ki, FSB-nin İctimaiyyətlə Əlaqələr Mərkəzinin məlumatına görə, saxlanılan şəxslər Ukrayna Müdafiə Nazirliyinin Baş Kəşfiyyat İdarəsinin (BKİ) nəzarətində olan və Rusiyada terrorçu kimi tanınan paramilitar qrupun tərkibində Rusiya ordusuna qarşı döyüş əməliyyatlarında iştirak etmək üçün Ukraynaya getməyi planlaşdırıblar.
Məlumata əsasən, əməliyyat Abxaziya Respublikasının Dövlət Təhlükəsizlik Xidməti ilə birgə həyata keçirilib.
İstintaq zamanı müəyyən olunub ki, ata və qızı Telegram vasitəsilə Ukrayna terror təşkilatının nümayəndələri ilə əlaqə yaradıb, daha sonra isə onların tapşırığı ilə aktiv Rusiya hərbçiləri haqqında məlumatlar toplayıblar. Həmçinin onların Rusiyaya qarşı hərbi əməliyyatlarda iştirak məqsədilə Ukraynaya getmək niyyətində olduqları bildirilib.
Faktla bağlı terror təşkilatının fəaliyyətində iştirak maddəsi ilə cinayət işi açılıb.
DOĞRU.AZ
