Amerikanın “SpaceX” şirkətinin “Starlink” peyk interneti Argentinada işə salınıb.
Bu barədə TASS SpaceX-in məlumatlarına istinadən yazır.
“Starlink indi Argentinada mövcuddur, Cənubi Amerikada yeddinci, insanların yüksək sürətli, aşağı gecikmə ilə internetə çıxış əldə edə bildiyi dünyada isə 72-ci ölkəyə çevrilir”.
Starlink qlobal peyk rabitə sistemi layihəsidir. Onun sistemi aşağı Yer orbitində çəkisi 500 kq-a qədər olan çoxlu sayda kiçik cihazları yerləşdirməklə bütün dünya üzrə istifadəçilərin internetə çıxışını təmin etmək üçün nəzərdə tutulub.
Martın 16-da məlum olub ki, milyarder İlon Maska məxsus “SpaceX” ABŞ Milli Kəşfiyyat İdarəsi (NRO) ilə gizli müqavilə əsasında yüzlərlə casus peykdən ibarət şəbəkə yaradır. 2021-ci ildə imzalanan müqavilənin dəyəri 1,8 milyard dollardır.
Mənbə: TASS