Milli mətbuatımızın 150 illiyi münasibətilə Şuşa şəhərində keçiriləcək “Rəqəmsal keçidlər: Süni intellekt dövründə informasiya və media dayanıqlılığının gücləndirilməsi” adlı Qlobal Forumun iştirakçıları artıq Azərbaycanın mədəniyyət paytaxtına səfərə başlayıblar.
Doğru.az xəbər verir ki, forum iştirakçıları Füzuli Beynəlxalq Hava Limanına eniş ediblər.
Qeyd edək ki, 3-cü Şuşa Qlobal Media Forumunda 52 ölkədən 140-a yaxın xarici qonaq, o cümlədən 30-dan çox informasiya agentliyi, 7 beynəlxalq təşkilat və 80-ə yaxın media qurumu, eləcə də digər sahəvi təşkilatların nümayəndələrinin iştirakı gözlənilir.
Forumda həmçinin əcnəbi media təmsilçiləri ilə yanaşı, Azərbaycan jurnalistləri, media ekspertləri və rəsmi şəxslər də iştirak edirlər.
Tədbirin açılış mərasimindən sonra Forum müxtəlif sessiyalarla davam edəcək və iyulun 21-dək davam edəcək.
DOĞRU.AZ
