ABŞ prezidenti Donald Tramp bildirib ki, Vaşinqton və Yeni Dehli ticarət maneələrinin aradan qaldırılması üçün danışıqları davam etdirir.
Doğru.az xəbər verir ki, Tramp bu barədə “Truth Social” hesabında paylaşım edib.
Onun sözlərinə görə, yaxın həftələrdə Hindistanın baş naziri Narendra Modi ilə telefon danışığının baş tutması gözlənilir:
“Əminəm ki, böyük ölkələrimiz uğurlu nəticə əldə etməkdə çətinlik çəkməyəcəklər”, – Tramp qeyd edib.
Xatırladaq ki, daha əvvəl “The New York Times” Hindistanın ABŞ-la münasibətlərdə tariflər və neft məsələsində fikir ayrılıqlarına görə etibarlılığa şübhə ilə yanaşdığını yazmışdı.
DOĞRU.AZ
