Oslo Universitetinin professoru Janne Haaland Matlary Nobel Sülh Mükafatının ABŞ prezidenti Donald Trampa təqdim olunması ilə bağlı Venesuela müxalifət lideri Mariya Korina Maçadonun addımını sərt tənqid edib.
Doğru.az xəbər verir ki, professor bu hərəkəti mənasız və alçaldıcı kimi qiymətləndirib. Onun sözlərini Bloomberg sitat gətirir. Matlary baş verənləri şərh edərkən “Bu, tamamilə eşidilməmiş bir şeydir” deyə bildirib.
Məsələ ilə bağlı Norveç Leyborist Partiyasının üzvü, keçmiş Oslo meri Raymond Yohansen də eyni mövqeni bölüşüb. O, vəziyyəti utancverici adlandıraraq bu cür addımların dünyanın ən nüfuzlu beynəlxalq mükafatlarından biri olan Nobel Sülh Mükafatının nüfuzuna ciddi zərbə vurduğunu vurğulayıb.
DOĞRU.AZ
