“ABŞ administrasiyası “F-16”ların Türkiyəyə satışında çox maraqlıdır. Fikrimizcə, səsverməyə çıxarılsa, həm Konqres, həm də Senatdan keçəcək”.
APA-nın İstanbul müxbirinin verdiyi xəbərə görə, bunu Türkiyə Prezidentinin sözçüsü İbrahim Kalın “NTV“ kanalına müsahibəsində bildirib.
O qeyd edib ki, Türkiyə eyni zamanda Avropa ilə “Eurofighter”lərin alınması ilə bağlı alternativ danışıqlar aparır: ““F-16”ların satışı olmazsa, həmişə alternativlərimiz var”.
