Doğru.az xəbər verir ki, Türkiyənin xarici işlər naziri Hakan Fidan TGRT News telekanalına müsahibəsində bildirib ki, Moskva Ukraynada təmas xətti boyunca “bir ərazi istisna olmaqla” nizamlanmaya razıdır. Fidanın sözlərinə görə, Rusiya ilkin tələbindən dörd rayonun inzibati sərhədləri daxilindəki ərazilər barədə imtina edib.
Haberler Fidanın sözlərini sitat gətirərək qeyd edir:
“İndi onlar… bir ərazi istisna olmaqla, təmas xəttində qalmağa razıdırlar.”
Türkiyə XİN rəhbəri həmçinin iddia edib ki, Donetsk ərazisinin qalan 25-30%-i Rusiyaya verilməli deyil və Zaporojye ilə Xersonun təmas xəttində saxlanılması barədə ilkin razılıq əldə olunub.
Bundan əvvəl Rusiya xarici işlər naziri Sergey Lavrov “Rossiya 24” telekanalında bəyan etmişdi ki, Rusiya Krımı və ya Donbası ələ keçirmək məqsədi daşımır və nizamlanma kontekstində əsas məqsəd ərazilərlə deyil, insanlarla bağlıdır.
Fransa prezidenti Emmanuel Makron isə bəzi ərazilərin itirilməsini tanımağa və Ukraynaya təhlükəsizlik zəmanəti verməyə razılıq göstərib.
DOĞRU.AZ
