Türkiyənin Bolu xizək kurortunda baş verən yanğınla bağlı aparılan istintaq çərçivəsində 15 nəfər həbs edilib.
Bu barədə “Sabah” yazır.
“Həbsxanaya göndərilən şübhəlilərin sayı artaraq 15-ə çatıb”, – jurnalistlər yazır.
Bundan əvvəl Türkiyənin Bolu vilayətində dağ-xizək kurortunda baş vermiş yanğınla bağlı 7 nəfərin saxlanılması barədə məlumat yayılmışdı.
Türkiyə prezidenti Rəcəb Tayyib Ərdoğan Türkiyənin Bolu şəhərindəki Kartalkaya dağ-xizək kurortunda 78 nəfərin ölümü ilə nəticələnən Grand Kartal otelində baş verən yanğına görə məsuliyyət daşıyanların hamısını cəzalandıracağına söz verib.
DOĞRU.AZ
