Vaşinqton Fələstin hökumətinin yeni başçısı Məhəmməd Mustafanın muxtariyyətdə islahatlar aparacağını gözləyir.
TASS xəbər verir ki, bu barədə ABŞ Milli Təhlükəsizlik Şurasının mətbuat xidmətinin rəhbəri Adrienne Watson məlumat yayıb.
Uotsonun sözlərinə görə, Birləşmiş Ştatlar Mustafanın Fələstin Milli Administrasiyasının baş naziri təyin edilməsini alqışlayır və onu tez bir zamanda islahat yönümlü kabinet formalaşdırmağa çağırır. Vaşinqton Mustafanın hökumətindən “möhkəm və genişmiqyaslı islahatlar” həyata keçirəcəyini gözləyəcək.
Watson qeyd edib ki, həm İordan çayının qərb sahilində, həm də Qəzza zolağında sabitliyə əlverişli şərait yaratmaq üçün islah edilmiş Fələstin Muxtariyyətinə ehtiyac var.
