Çin prezidenti Si Cinpin Braziliya prezidenti Luiz İnasio Lula da Silva ilə telefon danışığında bildirib ki, Pekin və Braziliya Ukrayna böhranının siyasi həllində “Sülh Dostları” qrupunun rolunu təşviq etməlidir.
Doğru.az xəbər verir ki, Çin lideri həmçinin vurğulayıb: “Çin və Braziliya qlobal çağırışlara birgə cavab verməli, Belemdə keçiriləcək BMT-nin iqlim dəyişikliyi konfransının uğurunu təmin etməli və Ukrayna böhranının siyasi həllində ‘Sülh Dostları’ qrupunun rolunu irəlilətməlidir”.
Bundan əvvəl CNN Brazil Rusiya və Braziliyanın əməkdaşlıq memorandumu imzaladığını, eyni zamanda Braziliyanın da Çinlə oxşar sənəd imzaladığını xəbər verib.
Lula da Silva isə Braziliyanın Ukraynada nizamlanmaya töhfə verməyə hazır olduğunu bildirib.
DOĞRU.AZ
