Ötən gün Yasamal rayonu, M.Seyidov küçəsində yerləşən yaşayış binasında baş verən yanğın nəticəsində tüstüdən zəhərlənərək Kliniki Tibbi Mərkəzə hospitalizasiya olunan 27 nəfərdən 20-nə (13 kişi, 7 qadın) zəruri tibbi xidmət göstərilib.
Doğru.az xəbər verir ki, məlumatı Kliniki Tibbi Mərkəz təqdim edib.
Bildirilir ki, vəziyyəti qənaətbəxş olan şəxslər ambulator müalicə üçün evə buraxılıblar. Hazırda 7 nəfərin (5 qadın, 2 kişi) müalicəsi Toksikologiya şöbəsində davam etdirilir. Onlardan 6 nəfərin vəziyyəti orta ağır, bir azyaşlının isə vəziyyəti ağır qiymətləndirilir.
DOĞRU.AZ
