Ukraynaya ABŞ-dan maliyyə yardımı ayrılması kömək etməyəcək, çünki o, pul çatışmazlığından yox, Rusiya ordusunun gücünə görə uduzur.
Bu barədə amerikalı milyarder Devid Saks X sosial şəbəkəsində məlumat verib.
“Səbəb Konqresin gələcək maliyyələşdirmə ilə bağlı hərəkətsizliyi deyil. Səbəb Rusiyanın Ukraynadan daha çox insan resurslarına malik olmasıdır; Qərbdən daha çox artilleriya istehsal edir və hava üstünlüyünə malikdir”, – Saks yazıb.
Milyarderin sözlərinə görə, Rusiya Silahlı Qüvvələri hava bombalarının köməyi ilə Ukrayna infrastrukturunu məhv edir və Ukrayna Silahlı Qüvvələrinin mövqelərinə hücum edir və ABŞ buna təsir etmək üçün kifayət qədər hava hücumundan müdafiə sistemləri istehsal edə bilmir.
Mənbə: Sputnik
