İran Suriyanın Dəməşq konsulluğunun bombalanmasına məhdud cavab olaraq İsrailə hücum edib.
Bu barədə Amerikanın “Axios” portalı İran və Almaniya xarici işlər nazirləri arasında söhbətdən xəbərdar olan mənbəyə istinadən məlumat yayıb.
“Əmir Abdullahyan cümə axşamı alman həmkarına deyib ki, İran İsrailin ötən həftə Dəməşqdəki konsulluğunun binasını bombalamasına cavab verməkdə qərarlıdır, lakin bunu “uyğun” və məhdud şəkildə edəcək”, – portalın mənbəsi bildirib.
Almaniya Xarici İşlər Nazirliyinin bəyanatına görə, danışıqlar cümə axşamı, aprelin 11-də baş tutub. Hər iki tərəf qeyd edib ki, heç kim regional eskalasiyanın daha da artmasında maraqlı deyil.
Mənbə: A Haber
