ABŞ Yəmən husilərinə qarşı hərbi əməliyyata 1 milyard dollardan çox pul xərcləyib.
Bu barədə NBC mənbələrə istinadən yazır.
O cümlədən, telekanalın məlumatına görə, martın 15-dən Pentaqon husilərə qarşı dəyəri 775 milyon dollardan çox olan 2000-ə yaxın bomba və raketdən istifadə edib.
“Bura hər biri 85 min dollara başa gələ biləcək yüzlərlə 2000 funt-sterlinqlik bomba, hər biri təxminən 1,9 milyon dollar dəyərində olan ən azı 75 Tomaqavk, hər raket üçün təxminən 1,5 milyon dollar dəyərində ən azı 20 AGM 158 qanadlı raket və bir sıra digər döyüş sursatları daxildir”.
Bundan əlavə, Vaşinqton regiona ən azı iki “Patriot” raketdən müdafiə sistemi və hərbi ləvazimatların çatdırılması üçün ən azı 10 milyon dollar xərcləyib.
Bundan əvvəl Tramp Yəməndə husilərin hərbi əməliyyatlardan əl çəkməyə hazır olduqlarını bəyan etdikdən sonra ABŞ-ın onlara zərbələrini dayandırdığını açıqlamışdı.
DOĞRU.AZ
